 |
|
|
|
|
||||||||||
|
||||||||||
|
|
||||||||||
| ღ♥ღ نبـض آلـوريـد ღ♥ღ عبر 00 مايكمن من داخل الانسان سره المكنون مشاعر وعواطفه جوهره نجدها في نبـض آلـوريـد |
 |
|
|
أدوات الموضوع | طرق مشاهدة الموضوع |
06-08-2010, 01:12 AM
|
#211 | |||||||||
|
عضو مميز
|
الساعه 2 الا بالليل طقت جبدي خلاص زهقت يا عالم
بس معادلات وصلت حدي تشبعت معادلات احس ان المعادلات اللي حفظتهم ناسيتهم ولا بعد باجي لي وحده اخييييييييييه تحطمت تعوذت من ابليس وقمت اخذت لي شور عشان اصحصح واخلص هالعضوية  تالي ييت بدرس خلااص لايعه جبدي احس اي معلومة زود ماراح اقبض قلت بحفظ جم شغله يعني طرق تحضير وجذي وبروح بس بحفظ المعادلات اللي بملزمة استاذ ايمن والباقي بالطقاق خلاص تعبت مو قادره صارت الساعه 3 وانا ليم الحين ما ابتديت بالوحده الاخيره بس قاعده جذي سرحانه ههههههه يعني لا راضيه اكمل ولا راضيه ادرس شهالنفسية المهم قلت بنام شوي لاني قفلت بقعد بصلي الفجر وادرس وطبعا رن تلفوني ولا حياة لمن تنادي من كثر التعب  6 الصبح @@ امبي مادرست الوحده الاخيره !! واقوم واصلي بسرعه وامسك الملزمة واحفظ بس الحفظ اللي مو من قلب احسه واقوم ابدل واروح السكوول وتميت احفظ بس مادري شنو احفظ  الامتحان 4 صفحات الحمدلله سهل يعني اسهل من العام واول العام بس شنوو سؤالين واحد عليه 7 والثاني 14 هذا بو 14 درجة مخطط كااااامل شفته تخرعت انا بروحي معادلات صايره تج في مخي خربطة على المعادلات اللي حفظتها وبعد مخربطه قلت بخلي الجدول فاضي ولا شنو بكتب سبحان الله والحمدلله ولا اله الا الله و الله واكبر عشان ع الاقل اكسب حسنات من وراهم ولا درجات العضوية ماراح تفيدني في اخرتي اخر شي بديت اتذكر بعض الاشياء واعفس مني ومناك حليت جم واحد وخليت بعضهم واللي ماعرفه او مافلحت بالتاليف فيه اكتب عليه I dont know << عبيطه حتى بالامتحان اما السؤال ابــو 7 درجات هاذي الماساة الكبرى كله كله تاليف حاطين المتفاعلات ويلا طلعي النواتج ههههههه مافلحت يمكن الا بمعادلة وحده يلا خيرها بغيرها والحمدلله على كل حال كنت متوقعه اني اسوي اسوا من جذي بس الحمدلله بفضل من الله صار العكس ولا باس على اللي راح من الاسئله ايي يوم طلعنا تسالني هميانو عن مادري شنو عاد اقولها اني الفت كتبت CH3CooMg وادري انه غلط ههههههههه عاد تقولي اي خوو انتي لعيبة الكيميا ولا امس مسكين اخوي يجوفني احفظ ياني يبي يسالني شي بالريض عنده امتحان يقولي مريوم الحين هذا اللي تدرسينه يعني ياخذونه الصناعي والتجاري وجي اقوله لا سكت احس ارتااااااااح |
|||||||||
 
|
|
06-14-2010, 12:11 AM
|
#213 | |||||||||
|
عضو مميز
|
الامتحان اليوم حده شي
استااااااااانست عليه حيييييل كنت خايفة منه وايد ان اييبون لنا افكار فيه خوو كيميا تحليليه كله مسائل بس الحمدلله احسه كله بطريقة مباشرة بس اخر سؤال الاكسدة والاختزال خربطنا بالبداية حاطين لنا المتفاعلات والناتج واحد انزين اللي راح يتاكسد موجود وين اللي راح يختزل جان اتنح ناديت المراقبة اقولها نادي المعلمة قالت لي بشوف وقعدت انطر افكر ياربي مايصير ومادري شنو ليمن يات المعلمة جان اقولها ماكو متفاعل حق اختزال ومادري شنو واغلب البنات الظاهر متنحين في هالسؤال بعد تقول استخدموه حق العمليتين جان استانس واسويها اخر شي ماطلعت لي موزونه يوم رجعت يات المعلمة اقولها ماااااااااااااااااااايصير معلمة ماتنوزن تقولي بلى يصير بنات طلع الغلط عندي خوو الاولى قاعده صوبي ولا تقول انوزنت جان اتنح امبي امينة انوزنت عندها وانا لا@@ خل اجيك مره ثانية ولا الظاهر ساعة الغباء ييت ما ضربت الاوكسجين 3 × 2 اخر شي قمت اعدل ليمن صارت احس واااااااو استانست واخيرا حليتها هذا اسهل امتحان ياني احس حليت من غير تاليف وايد الحمدلله |
|||||||||
|
|
|
06-17-2010, 10:15 AM
|
#214 | |||||||||
|
عضو مميز
|
اليوم اللي صار نوو كومنت من قلب مادري اسميه عذاب !! او مصخره!! مادري شنو بالضبط يعني!! بديت ادرس فيزيا الساعه 10 تقريبا بالليل ع الساعه 11 ونص صدعت مره ثانية هالصداع مو راضي يفجني صار له فترة رحت الطبيب للمره الثانية دخلت ع الدكتورة ولا تقولي فيكي ايــه!! انا>> دكتورة صداع مو طبيعي والم باذني وساعات بعيني طيب روحي خوذي الضغط المهم رحت جيكت ضغطي ولا اوكي 116 على 72<< على ماذكر رحت لها مره ثانية ولا تقولي طب ما ضغطك كويس قعدت اصنف عليها اليوم يعني الحين انا يايه عشان تقولين لي ضغطج كويس اله تقولي طب نعملك تحليل دم يمكن ان دمك نازل جان اقول لها سوت لي الدكتورة هذاك اليوم تحليل phوطلع دمي 14.2 اله تقولي طب ماكويس انزين يعني خوو شسوي كل شي قلتو لي كويس وهالالم من وين ياي من مخباتي يعني اله تقولي عندك امتحانات قلت لها اي جان تقولي عيل ان كل هذا من الامتحانات من كتر التركيز والبص وكتبت لي مسكادول قلت لها عطوني هذاك اليوم ومافاد جان تقولي طب عايزه ايه ئولي لي عايزه ايه وانا اكتب لك يعني شنو انا صيدلانيه تساليني شنو ابي  اووف شهالحاله بساخر شي كتبت لي بروفين وبعد مارحت اخذته خيولي زين معدتي صارت كلها بندول
|
|||||||||
|
|
|
06-17-2010, 10:16 AM
|
#215 | |||||||||
|
عضو مميز
|
المهم رجعنا البيت ولا تونا بركنا السياره ولا خالد وبو عبدالعزيز طالعين !! والعماره ظلام!! شكيت جان انزل ولا الكهربا مقطوعه انا تنحت امبي شلون راح ادرس@@ توني خلصت بس فصل واحد باجي لي 4 فصول  قامت رغود وطلعت لي الليت مال ابووي وقعدت ادرس خلصت الفصل الثاني والثالث خلاص فطسنا ولا الوالد ييه من الدوام وياخذنا ويفرنا بالسياره حتى جسميز رحنا خلصت بالسيارة الفصل الرابع مخي قفل يا ذا الناس خلاص ماقام يستحمل اي معلومة زود احس فيني النوم من 3 الا شي واحنا طالعين ليمن 4 ونص وماشتغلت@@ ابوي بركن السياره وقعدنا بالسياره وقطيت راسي على رشود ورشود على رغود اشكالنا تضحك!! اخر شي ما استحملت ابي ادرس ومتملله ومالي خلق وراسي يعورني وابي انام جان انزل البيت وحدي مطنقره الم راسي زاد خذيت لي بندول وابجي من العواار قمت خذيت شور وصليت ولبست مريولي وقلت بقعد بالسياره عشان ادرس طلعت من البيت 5 ونص وياي رغود مسكينة مو يايها النوم توني مشغله السيارة وفاتحه التكييف ولا الخدامه يايه رجعت الكهرب رحت ابي احفظ اممم مادري احس ماكو قانون يدخل المخ شوي ولا داقه علي زاامو مسكينة تقولي مريوم شنو حتى انتو مقطوعه عليكم!! وماخلصت التامين والظاهر مايات تقدمه اليوم لان كانت تقولي ان راح تاخذ عذر طبي وجذي صكرته من عندها قلت بنام ع الاقل من 6 لين 7 الا والباقي بالطقاق ماقدر استوعب شي تالي رحت السكول وانا حدي نفسي بخشمي والحاجب مرفووع مو طايقه شي يعني اللي بيتسبب عادي بتهاوش بطق دخلت الامتحان ولا 7 صفحات@@ امبي شوله هالكثر وشنو ساعه ونص الحمدلله والشكر صج تخلف فيزيا وساعه ونص و7 صفحات 4 صفحات اختاري الاجابة شدعوة كل هذا انا اذا ماطلع لي الجواب بالضبط اقوم احط القريب له واللي ما عرفه عكره بكره الحيااه حلوة بابا بس الحمدلله افتكينا اخر امتحان من هالكوورس بس باجي لي امتحان اعادة مال هذاك الكورس اللي ماقدمته الله يسهل بس ونااسة شعور حلوو احس كبرت بروح توجيهي
|
|||||||||
|
|
|
06-24-2010, 12:31 AM
|
#217 | |||||||||
|
عضو مميز
|
توصيني بغياابك ..~ على نفسي توصيني على شنهو انا بفهم !! على هموم لا توصيني!! انا صابر ربي عالمن فيني يواسيني ..~ 
|
|||||||||
|
|
|
06-24-2010, 12:32 AM
|
#218 | |||||||||
|
عضو مميز
|
الحمدلله لك ياربي ارتفعت وباجي لي مادة بس القهر الفصلي مرتفع وايد بس التراكمي مالت بس بالزوور يرتفع جم بوينت يلا بس الحمدلله على كل حال
|
|||||||||
|
|
|
06-24-2010, 12:32 AM
|
#219 | |||||||||
|
عضو مميز
|
اليوم رحت حق الدكتور محمد فلاح طبيب اخصائي مخ واعصاب
امبي حبيته هالدكتورة :$ يلست ولا يقولي مريم شفيج قلت له دكتوور الم براسي مو فاجني ووريته مكان الالم جان يقولي من متى الحين يالمج قلت له تقريبا خذ له اسبوعين من نص الامتحانات بس مستمر وياي ليم الحين جان يقولي انزين وصفي لي الالم انا تنحت شوصف فيه الم بعد شنو!! يقولي يعني شلون تحسينه جنه مطرقه ولا شنو قلت له لا كان احد يضغط على رااسي واحسه ثقييييييل الا يقولي هالالم يزيد اثناء الحركة !! جان اقوله ايييييييييييييي واايد وحتى لمن اتكلم يقولي تنزعجين من الضوء القوي او الاصوات العاليه!! قلت له ايي الاصوات العالية يقولي هذا صداع نصفي ويروح بالادوية بس اذا استمر وياج الالم تيين اسوي لج اشعه تالي فحصني امبي الفحص يضحك اشكره ضحكت بويهه واهو يفحصني اول شي حط لي نفس الليت بعيني مادري شنو كان يشوف ;p وطق ايدي بمطرقة يقولي مدي ايدج وغمضي ومادري شنو حتى صكر الليتات يضحك الوضع وكتب لي الادوية ولا يقولي اهو عندكم بالعايله احد عنده صداع نصفي قلت له لا قالي لان هذا يا اما يصير بالوراثه او السهر والقلق وجي جان يقوله ابوي خبرك الامتحانات وتروح ساعات مو نايمة لها الا ساعه ولا ساعتين اله يقوله الدكتور الحين بعد خصوصا ويا التلفزيون هاذي صارت مسؤوليتج << يعني فهميها يا جاره ماكو سهر  اله يقوله ابوي اي وبعد ويا اللاب توب<< وعليه هالاب توب كل ما صار شي قطوه عليه |
|||||||||
|
|
|
| مواقع النشر (المفضلة) |
| أدوات الموضوع | |
| طرق مشاهدة الموضوع | |
|
|
ترتيب منتديات شاطئ الخليج عالمياً
|
|
|
Powered by vBulletin Version 3.8.2PL1
Copyright ©2000 - 2010, Jelsoft Enterprises Ltd.
.jpg)
العرض العادي
